★ مرزا محمد جعفر اوج ؔ ★

دبیر کے بڑے فرزند تھے ۔ . مرزا اوج اعلی’ پاۓ کے مرثیہ نگار اور شاعری کے بڑے مجتہد تھے ۔ ان کے مرثیوں میں انشا اللہ ، دبیر اور انیس کا رنگ ملتا ہے ۔ شبلی نعمانی کا یہ قول ہے کہ “انصاف یہ ہے کہ آج مرزا اوج سے بڑھ کر کوئ شاعر اور مرثیہ گو نہیں ہے” ان کے ایک کلام کا شعر خوب ہے

الٹ گیا در ِ خیبر سے پہلے قلع…ۂ چرخ
خدا کے ہاتھ نے جو ُالٹا آستینوں کو

اس پس منظر میں اوج نے حضرت امام حسین علیہ اسلام سے عقیدت کا اظہار کیا ہے

ہم سب اے کاش جہنم میں ہی جاتے مولا
پر نہ یہ داغ ِ جگر آپ اُٹھاتے مولا
امن عصیاں سے نہ ہم حشر میں پاتے مولا
آپ غربت میں مگر سر نہ کٹاتے مولا
ہجر ِ صغرا کا نہ داغ علی اکبر سہتے
چین سے گھر میں صدا قبلۂ عالم رہتے

حیف اس وقت ہوئے کیوں نہ ہم اے شاہ ِ کریم
جوش دل اب یہی کہتا ہے خدا اس کا علیم
نہ خلش اس میں رضا کی ہے نہ آمیزش بیم
نہ پئے دوری دوزخ نہ پئے فوز عظیم
جب تو قاصر رہے ، پر آج نہِں قاصر ہیں
آپ کے دشمنوں سے لڑنے کو ہم حاضر ہیں